Բունդեսթագում Քրիստոնեադեմոկրատական միության եւ Քրիստոնեասոցիալական միության խմբակցությունը ներկայացրել է Ռուսաստանի նկատմամբ արտաքին քաղաքական ռազմավարությունը։ Այն շարադրված է փաստաթղթում, որը միաձայն ընդունվել է, հայտնում է DW–ն։ «Եվրոպայում խաղաղությունը սպառնալիքի տակ է։ Այդ պատճառով եվրոպական երկրների միությունը չի կարող հաշտվել Արեւելյան Եվրոպայում Ռուսաստանի ագրեսիայի դեմ»,– ասված է փաստաթղթում։
Անգելա Մերկելի գլխավորած պահպանողական կուսակցությունների բլոկը ԵՄ–ին խորհուրդ է տալիս ավելի արդյունավետ ռազմավարություն ընտրել ՆԱՏՕ–ի շրջանակում։ Մասնավորապես, խոսքը սպառազինությունների գնման եւ տրանսպորտային ավիացիայի ոլորտում հետախուզության ուժեղացման մասին է։
Միաժամանակ Քրիստոնեադեմոկրատական միության եւ Քրիստոնեասոցիալական միության խմբակցությունը կողմ է «ՆԱՏՕ–Ռուսաստան խորհրդի» ձեւաչափով բանակցությունների վերականգնմանը։