Մեծ Բրիտանիան մեծ հետաքրքրությամբ է հետեւում Հայաստանի նոր կառավարության բարեփոխումներին։ Այս մասին դեկտեմբերի 2-ին՝ մամուլի ասուլիսի ժամանակ, ասել է Հայաստանում Մեծ Բրիտանիայի դեսպան Ջուդիթ Ֆարնուորթը։
Նրա խոսքով, եթե այդ բարեփոխումներն անցկացվեն, ապա դրանք օգտակար կլինեն ներդրումներ գրավելու առումով։ «Մենք փորձում ենք աջակցել Հայաստանին նաեւ տնտեսական ոլորտում։ Ներդրումներ գրավելու համար ցանկացած երկիր պետք է վստահության արժանի լինի։ Մենք կոնկրետ քայլեր ենք ձեռնարկում, օրինակ, օգնում ենք լեռնահանքային ոլորտում թափանցիկության հաստատմանը»,– ասել է դեսպանը։
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Նա նշեց, որ Մեծ Բրիտանիան աշխատում է ՀՀ կառավարության հետ նաեւ հակակոռուպուցիոն ծրագրի իրականացման համար։ «Մնացած ուղղությունները ՏՏ ոլորտի հետ են կապված։ Մենք փորձում ենք կապեր հաստատել հայկական ՏՏ ընկերությունների եւ Մեծ Բրիտանիայի միջեւ։ Նաեւ աշխատում ենք գլոբալ առումով այդ ոլորտում քաղաքականության ձեւաչափը վերագործարկելու ուղղությամբ»,– ասել է Ջուդիթ Ֆարնուորթը։