Պերուի հարավում 6.3 մագնիտուդով ուժեղ երկրաշարժի հետեւանքով տներ են փլուզվել: Ըստ Gazeta-ի՝ այս մասին Twitter-ում հաղորդել է երկրի քաղպաշտպանության ազգային ինստիտուտը:
«Երկրաշարժի հետեւանքով Լամպա նահանգում ութ տուն է փլուզվել, եւս քառասուն բնակարան վնասվել է Պարատիա շրջանում: Մարդիկ անվտանգ գոտի են տեղափոխվել»,- ասված է հաղորդագրությունում:
Ավելի վաղ հաղորդվել էր, որ Պերուում տեղի ունեցած երկրաշարժի էպիկենտրոնը գտնվել է Հուլյակա քաղաքից 45 կմ դեպի հյուսիս-արեւելք, շուրջ 3 կմ խորությամբ:
