Նորվեգական պանիրն աշխարհում լավագույնն է ճանաչվել, հայտնում է Kedem-ը: Կապույտ բորբոսով նորվեգական պանիրը՝ Kraftkar-ը, դարձել է Իսպանիայի Դոնոստիա Սան Սեբաստիան քաղաքում տեղի ունեցած World Cheese Awards 2016 միջազգային փառատոնի դափնեկիրը: Kraftkar պանիրը 12 տարի շարունակ արտադրում է նորվեգական Tingvollost ընտանեկան ֆերման, որը տարեկան արտադրում է մոտ 20 տոննա պանիր:
Նրանց արտադրանքն իր որակով առաջ է անցել իսպանական, ֆրանսիական, շվեյցարական եւ այլ երկրների պանիրներին՝ ստանալով ավելի քան 31 երկրների 3000 պանիրներից լավագույնի կարգավիճակը: