Ամերիկացի Ջասթին Ռոս Հարրիսին մեղավոր են ճանաչել իր 2 տարեկան որդու սպանության մեջ, որին նա մեքենայում էր թողել, հայտնում է CNN–ը։
Նման վճիռ է կայացրել Քոբի շրջանի Գերագույն դատարանը։ Միջադեպը տեղի էր ունեցել 2014-ի հունիսի 18-ին։ Ատլանտայի 36-ամյա բնակիչը 22-ամյա տղային թողել էր Hyundai Tucson մեքենայի հետեւի նստատեղի վրա եւ գնացել սկզբում նախաճաշելու, իսկ հետո՝ աշխատանքի, որտեղ անցկացրել էր ամբողջ օրը։ Երեխան 7 ժամ անցկացրել էր մեքենայի մեջ, որն արեւի տակ աստիճանաբար տաքացել էր, ինչն էլ նրա մահվան պատճառ էր հանդիսացել։
Ժամը 16։00–ի սահմաններում Հարրիսը գնացել էր մոտակայքում գտնվող կինոթատրոնը եւ նկատել, որ երեխան դեռ մեքենայի մեջ է։ Տղամարդը հանել էր տղային մեքենայից, եւ ականատեսների վկայությամբ՝ շփոթված տեսք է ունեցել։
Մեղադրական կողմը պնդում է, որ տղամարդը երեխային դիտավորյալ է փակել մեքենայում, որպեսզի ազատվի նրան խնամելու հոգսից։ Պաշտպանող կողմը պնդում էր, որ երեխայի մահը ողբերգական պատահականության հետեւանք է։
Հարրիսին ցմահ ազատազրկման են դատապարտել՝ առանց վաղաժամ ազատվելու իրավունքի։