Մադամ Տյուսոյի լոնդոնյան թանգարանին պատկանող Մեծ Բրիտանիայի Եղիսաբեթ 2-րդ թագուհու մոմե արձանին սուրբծննդյան կոստյում են հագցրել բարեգործական ակցիայի շրջանակում: Այս մասին գրում է Gazeta-ն՝ վկայակոչելով Reuters-ը:
Թագուհու մոմե արձանը սովորական կոստյումի փոխարեն ներկայացել է կանաչ սվիտերով՝ կորգի շան պատկերով:
Թանգարանի աշխատակիցները տոնական սվիտերներ են հագցրել նաեւ բրիտանական թագավորական ընտանիքի բոլոր անդամներին:
«Բոլորն են սիրում թագավորական ընտանիքին: Մեզ համար շատ կարեւոր է նրանց մասնակցությունը բարեգործական արշավին»,- հայտարարել են ակցիայի կազմակերպիչները, որի շրջանակում մարդիկ տոնական սվիտերներ են գնում, իսկ վաճառքից ստացված միջոցների մի մասն ուղղվելու է կարիքավոր երեխաների օգնությանը:
