YouTube-ում հայտնվել են Պակիստանում ուղեւորատար օդանավի վթարի վայրից առաջին կադրերը։

Օդանավում 47 մարդ է եղել, այդ թվում անձնակազմի հինգ անդամները։ Ուղեւորներից ինը կանայք էին ու երկուսը երեխա։

Ավելի վաղ հայտնել էինք, որ Pakistan International Airlines–ի երկշարժիչ օդանավն անհետացել էր ռադարների էկրաններից։ Չիթրալ–Իսլամաբադ չվերթն իրականացնող օդանավը թռիչքից մեկուկես ժամ անց անհետացել էր։ Հայտնի է, որ վթարից առաջ օդաչուն SOS ազդանշան էր ուղարկել եւ հայտնել տեխնիկական անսարքությունների մասին։ Ըստ նախնական տեղեկությունների՝ օդանավում եղած բոլոր ուղեւորները զոհվել են։