ԱՄՆ-ում մտավախություն ունեն, որ ԻՊ-ն ահաբեկչական գործունեությունը կշարունակի նաեւ տապալումից հետո: Reuters-ի փոխանցմամբ՝ այս մասին հայտարարել է կոալիցիան գլխավորող գեներալ Սթիվեն Թաունսենդը:
«Քանի դեռ գոյություն ունեն, նրանք կշարունակեն հարձակումներ ծրագրել եւ իրականացնել արեւմտյան երկրներում: Իմ կարծիքով՝ Ֆրանսիայի, ԱՄՆ-ի կամ արեւմտյան այլ երկրների վրա արտաքին հարձակումների սպառնալիքը նվազեցնելու լավագույն տարբերակն ԻՊ-ին Մոսուլից, Ռաքքայից դուրս մղելն ու նրանց անապատում հետապնդելն է»,- հայտարարել է Թաունսենդը:
2014 թվականի գրավված Իրաքի հյուսիսային Մոսուլ քաղաքն ԻՊ-ի ահաբեկիչներից ազատագրելու գործողությունը մեկնարկել է հոկտեմբերի 17-ին: Դրան մասնակցում են իրաքցի զինվորականներ, տեղի ապստամբները, քրդական ուժերը, ինչպես նաեւ ԱՄՆ-ի գլխավորած միջազգային կոալիցիայի ռազմաօդային ուժերը:
