Բրազիլական Ամազոնաս նահանգում տեղի օդանավ է կործանվել, ինչի հետեւանքով 5 զոհ կա: ՌԻԱ Նովոստիի փոխանցմամբ՝ այս մասին հաղորդել է տեղի փրկարար ծառայությունը:

Globovision-ի տվյալներով՝ Embraer 721D մոդելի օդանավն ընկել է անտառային տեղանքում, Մանաուս քաղաքի մոտակայքում: Այն Մանաուսից Նովո Արիպուանա էր ուղեւորվում եւ կործանվել է թռիչքից հետո:

Զոհերի թվում մեկ երեխա կա: Անկումից հետո օդանավն այրվել է: Տեղում հրշեջներ եւ փրկարարներ են աշխատում: Աղետի պատճառների մասին ոչինչ չի հաղորդվում: