Քորնելի համալսարանի (ԱՄՆ) աշխատակիցները հայտարարել են, որ կանանց ավելի շատ են դուր գալիս շատակեր տղամարդիկ, այլ ոչ թե նրանք որոնք սնվելիս համեստություն են դրսեւորում, փոխանցում է Informing-ը:
Գիտնականների հետազոտությանը 20 ուսանող է մասնակցել, որոնց 3 խմբի են բաժանել եւ առաջարկել մրցել հավի թեւ ուտելով՝ խոստանալով հաղթողին մեդալով պարգեւատրել:
Առաջին խմբի անդամների ժամանակը սահմանափակված էր, երկրորդ խմբի անդամները թեւերը կերել են հանդիսատեսի ներկայությամբ, իսկ երրորդ խմբի անդամները՝ միայնության մեջ: Հաղթող են դարձել երկրորդ խմբում ընդգրկվածները:
Հետազոտության ղեկավար Բրայան Վանսինկը արդյունքներոը մեկնաբանելիս ընդգծել է, որ հանդիսատեսի ներկայությամբ տղամարդկանց մոտ գործել է «էքստրեմալ վարքագիծը», եւ նրանք էլ ավելի շատ են հաղթանակի ձգտել: Գիտնականի կարծիքով տղամարդիկ ենթագիտակցորեն համոզված են, որ կանանց շատակեր տղամարդիկ են դուր գալիս: Հետազոտության շրջանակում անցկացված հարցումը եւս ցույց է տվել, որ մրցության հաղթողներին հարցվածները ավելի առնական եւ արդյունավետ են համարում:
