Այժմյան ֆորմալ ընդդիմադիր քաղաքական ուժերի շրջանում ներկայում որեւէ ձեւաչափ չկա, որը կարող է լուրջ մրցակցություն ստեղծել իշխող ՀՀԿ-ին: Այս մասին հունվարի 11-ին կայացած ասուլիսում այս մասին հայտարարեց Կովկասի ինստիտուտի փոխտնօրեն, քաղաքագետ Սերգեյ Մինասյանը:
Նրա խոսքով՝ այս մասին են վկայում Հայաստանում գոյություն ունեցող քաղաքական համակարգի կանոնները: «Հաջորդ շաբաթ մենք նոր հայտարարություններ կտեսնենք: Քաղաքական ուժերը կանցնեն նախընտրական պայքարի վերջնական փուլին: Հնարավոր են նաեւ հետընտրական գործընթացներ, բայց չեմ կարծում, որ դրանք կարող են համեմատվել 2007-2008 թվականների իրադարձությունների հետ»,- ընդգծեց Մինասյանը:
Հիշեցնենք, որ Հայաստանի խորհրդարանական ընտրությունները նախանշված են այս տարվա ապրիլի 2-ին: