Մամուլի ասուլիսի ժամանակ, որն ավելի շատ ֆարս էր հիշեցնում, Դոնալդ Թրամփը ցույց տվեց իր բոլոր վատ կողմերը»,- վստահեցնում է գերմանական Die Zeit թերթի հոդվածագիրը։
«Նա ինքն իրեն գերազանցեց, ծաղրելով Հիլարի Քլինթոնին, վիրավորելով լրագրողներին, օգտագործելով ամենապարզունակ բառապաշարը ու չասելով որեւէ նոր բան իր ծրագրերի մասին։ Թրամփն իրեն պահում էր այնպես, ինչպես քարոզարշավի ժամանակ, ինչը ստիպում է փշաքաղվել մոտելուտ հունվարի 20-ի մասին մտածելիս»,-գրում է լրագրողը։
«Մամուլի ասուլիսի ժամանակ Թրամփը չէր կարողանում ամբողջովին վերահսկել իրավիճակը ու ցույց տվեց ինքնուրույն գործելու իր կատարյալ անկարողությունը։ Նա, ով չի կարող հանգիստ արձագանքել լրագրողների քննադատական դիտողություններին, նախընտրելով CNN–ի թղթակցին զրկել հարցի իրավունքից, քանի որ նրա հեռուստաալիքը իբրեւ միայն ֆեյքային նորություններ է տարածում, ինքն իրեն է ծաղրանքի առարկա դարձնում,- գրում է Հավերթցը,- Այդ մամուլի ասուլիսը դարձավ անգրագիտության ու ոչ կոմպետենտության կատարյալ դրսեւորում»
Ով գիտի՝ գուցե Թրամփի աշխատակազմին «կհաջողվի որեւէ դրական բան անել»։ Բայց նրա ելույթից հետո դա խիստ կասկածելի է թվում։ «Նման ելույթները աղետալի են, ու նման երեւույթները պետք է իրենց անուններով կոչել»,- ամփոփում է լրագրողը։
