Գերմանիայի կանցլեր Անգելա Մերկելը ԵՄ-ին կոչ է արել պահպանել միասնականությունը, չնայած ԵՄ-ից Բրիտանիայի դուրս գալու մասին գալիք բանակցություններին, հայտնում է AFP–ը։
«Մենք բոլորս հասկանում ենք, որ չենք կարող առանձնանալ (իրարից)»,- ասել է Մերկելը Լյուքսեմբուրգում մամուլի ասուլիսի ժամանակ։
«27 երկրները պետք է միասին գործեն բանակցությունների ընթացքում, բայց մենք նախ պետք է հասկանանք, թե ինչպես է Մեծ Բրիտանիան մտադիր դուրս գալ ԵՄ-ից»,- հավելել է նա։
Բրիտանիայի վարչապետ Թերեզա Մեյը խոստացել է մինչեւ մարտի վերջը սկսել գործարկել Լիսաբոնյան պայմանագրի 50-րդ հոդվածը, որը նախատեսում է ԵՄ-ին երկրի անդամակցության դադարեցում։
ԵՄ մնացած անդամները մտադիր չեն Լոնդոնին միությունից դուրս գալու արտոնյալ պայմաններ տրամադրել։
