Ստամբուլի գիշերային ակումբում 39 մարդու կյանք խլած ահաբեկչությունը ոչ միայն չմիավորեց թուրք հասարակությանը, այլ ընդհակառակը, վատացրեց երկրում տիրող հակասությունները, փոխանցում է «Ամերիկայի ձայնը»։
«Կան մարդիկ, որոնք չարախնդում են այդ ահաբեկչության կապակցությամբ, փոխանակ սգան ողբերգությունը,– գրում է Al-Monitor–ի սյունակագիր Սեմիհ Իդիզը,– այդ ամենի արմատները տանում են իսլամիստների եւ աշխարհիկ պետության կողմնակիցների, ուլտրապահպանողական ազգայնականների եւ եվրոպամետ տարրերի միջեւ քաղաքացիական պատերազմը։
Իդիզը նաեւ պատասխանատվության մի մասը դնում է կառավարության վրա։ «Մեր կառավարությունը ոչ մի կերպ չի նպաստում հասարակության մեջ հակասությունների հաղթահարմանը։ Ավելին՝ երբեմն կառավարության եւ նախագահի մոտեցումը տարաձայնություններ են հրահրում։
Ահաբեկչությունից հետո երկրում ծայրահեղ ապակառուցողական իրավիճակ է։ Կառավարական լրատվամիջոցները քննադատում են Նոր տարվա տոնակատարությունները՝ որպես իսլամական ավանդույթների խախտում։
Սակայն նախագահ Ռեջեփ Թայիփ Էրդողանը չի ընդունում քննադատությունը՝ ասելով, թե Թուրքիայում ոչ մեկի ապրելակերպը սիստեմատիկ սպառնալիքի չի ենթարկվում։ Մենք դա երբեք թույլ չեն տա»,– մեջբերում է հեղինակը։
