Ford ավտոկոնցեռնը մտադիր է հաջորդ տարի հանրությանը ներկայացնել Focus մոդելի նոր տարբերակը, փոխանցում է Oane-ը: 

Արտադրողը ստեղծվող մոդելի վերաբերյալ բոլոր քարտերը չի բացում, սակայն արդեն համացանցում ավտոմեքենայի լուսանկար է հայտնվել: Ըստ լուսանկարի՝ մեքենայի առջեւի մասը ստացել է մեծ օպտիկա եւ հակամառախուղային լրացուցիչ լուսարձակներ: Կողմնային հայելիների վրա լրացուցիչ անդրադարձիչներ են տեղադրվել

Մշակողներն ակնարկում են, որ թարմացված Focus-ն ստեղծելիս կկիրառվի Fiesta մոդելի հավաքման տեխնոլոգիան: Եթե ըկերության ծրագրերն իրականացվեն, ապա Ford-ը Volksvagen Golf-ի եւ Opel Astra-ի լուրջ մրցակիցը կդառնա: Ուժային սարքերի մասին տեղեկություններ չեն հաղորդվում, սակայն ակնկալվում է, որ Focus-ը կունենա միանգամայն նոր անկախ հետին կախոց: Նոր մետաղի օգտագործման շնորհիվ մեքենան ավելի թեթեւ կդառնա, ինչը դրական կանդրադառնա վառելիքի ծախսի եւ արագություն հավաքելու ժամանակի վրա: