Թուրքիայի նախագահ Ռեջեփ Թայիփ Էրդողանը հույս ունի, որ Թուրքիայի խորհրդարանը մինչեւ այս շաբաթվա վերջ հանրաքվեի կդնի սահմանադրական փոփոխությունների հարցը, որով նախատեսվում է անցում կատարել նախագահական համակարգի, փոխանցում է «ՌԻԱ Նովոստի»–ն։
«8-րդ հոդվածն ընդունվել է։ Նախագահական համակարգը զարգացած երկրներում կայացած երեւույթ է։ Եթե խորհրդարանն աշխատի կայուն, ապա այս շաբաթ օրինագծի մնացած հոդվածների քննարկումից հետո սահմանադրական փոփոխությունները կդրվեն հանրաքվեի։ Եթե խորհրդարանն անցնի ոչ աշխատանքային վիճակի, կարելի կլինի մտածել արտահերթ ընտրությունների մասին»,– ասել է Էրդողանը։
