News
Լրահոս
News
Շաբաթ
Մայիս 25
Տեսնել լրահոսը

Տեղական ընտրությունները Թուրքիայում, որոնցում հաղթեց ընդդիմությունը, սկբնավորեցին վեճեր այն մասին, թե ով կարող է դառնալ հանրապետության նոր նախագահը՝ Ստամբուլի քաղաքապետ Էքրեմ Իմամօղլո՞ւն, թե՞ Անկարայի նրա գործընկեր Մանսուր Յավաշը։ Այս մասին գրել է Hürriyet կառավարամետ թերթը՝ նշելով, որ մարտի 31-ին վերընտրված քաղաքագլուխները փաստորեն սկսել են մրցարշավը նախագահի աթոռի համար, որի ընտրությունները նախատեսված են 2028թ.։

Երկու քաղաքական գործիչները ներկայացնում են գլխավոր ընդդիմադիր Հանրապետական ժողովրդական կուսակցությունը (ՀԺԿ)։ 52-ամյա Իմամօղլուն Ստամբուլի քաղաքապետի ընտրություններում ստացել է ընտրողների ձայների 51,147 տոկոսը, 68-ամյա Յավաշը հաղթել է Անկարայում՝ 60,43 տոկոս ձայներով։

«Իմամօղլուի նախագահական հավակնությունների մասին հայտնի է 2019-ից [երբ նա հաղթեց Ստամբուլի քաղաքապետի ընտրություններում]։ Անցած տարի նրան խանգարեց [այն ժամանակ ընդդիմության առաջնորդ Քեմալ] Քըլըչդարօղլուն։ Միեւնույն ժամանակ, ընտրազանգվածի զգալի աջակցությունն ունի նաեւ Յավաշը»,- գրել է պարբերականի մեկնաբան Աբուլքադիր Սելվին։ Նրա կարծիքով՝ Իմամօղլուն 2028թ. ընտրություններում կարող է առաջադրվել ՀԺԿ-ի թեկնածու, իսկ Յավաշը կարող է առաջադրվել որպես անկախ թեկնածու։ «Այս գործընթացում զսպիչ տարր կարող է դառնալ ՀԺԿ առաջնորդ Օզգյուր Օզելը»,- նշել է մեկնաբանը։

Թուրքիայի գործող նախագահ Ռեջեփ Թայիփ Էրդողանը, որը վերընտրվել է երկրորդ ժամկետով, մարտի 31-ի ընտրությունների նախօրեին հայտնել է, որ դրանք իր համար «եզրափակիչ կլինեն օրենքով տրամադրվող լիազորությունների շրջանակում»։

Միեւնույն ժամանակ, երկրի քաղաքական ոլորտում սկսել են քննարկել Էրդողանի նոր ժամկետով ընտրվելու հարցը։ Ներկա սահմանադրությամբ դա հնարավոր է միայն այն դեպքում, եթե խորհրդարանը որոշում ընդունի արտահերթ ընտրությունների անցկացման մասին։ Թուրքիայի իշխանությունները հայտարարում են, որ արտահերթ ընտրություններ երկրի օրակարգում այժմ չկան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայի կառավարող կուսակցությունը սպասում է պատմության մեջ ամենամեծ կադրային փոփոխություններին. Ekonomim
Կառավարող կուսակցությունը պատրաստվում է խոշոր կադրային փոփոխությունների...
Թուրքիայի իշխանությունների դեմ դավադրությանը մասնակցում են ամերիկյան կողմնորոշում ունեցող աղանդները. Aydınlık
Թուրքական թերթը հայտնել է, որ դավադրությանը մասնակում են աղանդները...
Էրդողանն ընդունել է արդարադատության նախարարին եւ հետախուզության տնօրենին՝ հնարավոր հեղաշրջման լուրերի ֆոնին
Էրդողանը հանդիպել է Յըլմազ Թունչի եւ Իբրահիմ Քալընի հետ...
Անկախ ՏԻՄ ընտրությունների արդյունքից, երկրի կառավարող ուժը նախագահն է. Էրդողան
Էրդողանը նշել է, որ անկախ ընտրողների կատարած քվեարկությունից, իրենք շնորհակալ են բոլորից...
Էրդողանը կարող է փոփոխություններ կատարել նախարարների կաբինետում և իշխող կուսակցությունում. Hürriyet
Բացի այդ, փոփոխությունները պետք է տեղի ունենան նաև կուսակցության շտաբի և նախարարների կաբինետի հետ կապված...
Թուրքիայում բողոքներից հետո ընդունել են Վանի քրդամետ քաղաքապետի հաղթանակը
Ընդունվել է Աբդուլա Զեյդանի հաղթանակը...
Ամենաշատ