Եվգենի Մախայլովիչ Լուկաշինը խելացնոր մոլագար է, որը ներխուժում է համեստ ուսուցչուհի Նադյա Շեւելյովայի տուն, հարձակվում նրա վրա, ահաբեկում, սարսափեցնում սայրով եւ վերջում բարձրաձայնում է միասին մեռնելու գաղափարը: Այսպիսին է կամերային սլեշերի պարզունակ, դասական սյուժեն, որը ճիշտ մոնտաժելու դեպքում կարող էր ստացվել Էլդար Ռյազանովի անմահ «Ճակատագրի հեգնանք կամ Բաղնիքդ անուշ» սիրային կատակերգությունից: Այս մասին հայտնում է «Ռոսիյսկայա գազետա»-ն:
«Սարսափ տարբերակի» չարագուշակ, լարված թրեյլերը համացանցում է հայտնվել Ամանորից հետո, մեկ րոպեից մի փոքր ավելի ժամանակահատվածում հաջողելով անցնել ժանրի ավելի հայտնի օրինակներին՝ Ֆլենեգանի «Ճիչից» մինչեւ «Լռություն»:
