Բիշքեկում «Մանաս» միջազգային օդանավակայանը հունվարի 16-ին՝ ժամը 13։30-ին, սկսել է աշխատել նորմալ ռեժիմով, ասված է օդանավակայանի հայտարարության մեջ։
Այս պահին օդանավակայանը գործում է։ Հիշեցնենք, որ օդանավակայանը փակվել էր հունվարի 16-ի առավոտյան տեղի ունեցած վթարի պատճառով։
Ավելի վաղ հայտնել էինք, որ Ղրղզստանում հունվարի 17-ին սգո օր կհայտարարվի։ Հիշեցնենք, որ Boeing 747-400 բեռնատար օդանավը կործանվել է հունվարի 16-ի առավոտյան, օդանավակայանի մերձակայքի ամառանոցային ավանում: Վերջին տվյալներով՝ աղետի հետեւանքով 37 մարդ է զոհվել, 32 բնակելի տուն ավերվել է: