2016 թվականին Երեւանի 3050 տներում տանիքների եւ մուտքերի վերանորոգման աշխատանքներ են իրականացվել։ Այս մասին հունվարի 18-ին՝ մամուլի ասուլիսի ժամանակ, ասել է Երեւանի փոխքաղաքապետ Կամո Արեյանը։
Նրա խոսքով՝ 2017 թվականին կարեւոր խնդիր է մնալու բազմաբնակարան տներում աշխատանքները։ «2016-ին 12 տների ծուռ տանիքները լիովին վերանորոգվել են»,– ասաց Արեյանը։
Փոխքաղաքապետը նշեց, որ 2016-ի ընթացքում բազմաբնակարան շենքերի 538 հազար քառ/մ մակերեսի վրա աշխատանքներ են իրականացվել։
«2016-ին 57 տներում վերանորոգվել է 137 վթարային պատշգամբ։ Այս տարի նախատեսվում է վերանորոգել 64 տների 140 վթարային պատշգամբ»,– հավելեց Կամո Արեյանը։