Հայաստանում բանտարկյալներին չեն լուսանկարելու ու նրանցից մատնահետքեր չեն վերցնելու անձնագրերի ու id-քարտերի համար։ Այս մասին ասվում է անձնագրերի ու id քարտերի համար լուսանկարվելու ու մատնահետքեր վերցնելու կարգի մեջ։ Կարգը հաստատվել է Կառավարության հունվարի 19-ի նիստի ժամանակ։ Լուսանկարվել ու մատնահետքեր թողել չեն կարողանա նաեւ այն քաղաքացիները, որոնք բուժում են անցնում հիվանդանոցներում, նաեւ այն անձինք, որոնք զուրկ են ինքնուրույն շարժվելու հնարավորությունից։ Հիվանդների ու բուժում անցնողների փոխարեն դիմում տալու է նրանց ներկայացուցիչը կամ խնամակալը՝ համապատասխան փաստաթղթի պատճենի հիման վրա։