Միացյալ Նահանգների ընտրված նախագահ Դոնալդ Թրամփը հունվարի 19-ին ժամանել է Վաշինգտոն, որտեղ հաջորդ օրը կայանալու է ԱՄՆ-ի 45-րդ պաշտոնում նրա երդմնակալության արարողությունը։
«Այսպիսով, ճանապարհորդությունը սկսզվում է, եւ ես շատ ջանասիրաբար կաշխատեմ ու կպայքարեմ, որպեսզի այն հիասքանչ լինի բոլոր ամերիկացիների համար»,- Twitter-ում գրել է Թրամփը։ «Կասկած չունեմ, որ միասին մենք Ամերիկան կրկին մեծ երկիր կդարձնենք»,- գրել է նա:
Լրագրողների հետ զրույցում Սպիտակ տան ապագա մամուլի խոսնակ Շոն Սփայսերը նշել է, որ ընտրված նախագահը շարունակում է փոփոխել իր ճառը, որը շատ «անձնական» է լինելու եւ արտացոլելու է «Ամերիկայի նրա տեսլականը», հաղորդում է «Ամերիկայի Ձայն»-ը։
Սփայսերը նաեւ հայտնել է, որ առաջիկա մի քանի օրերի ընթացքում , այդ թվում՝ հունվարի 20-ին,Դոնալդ Թրամփը ստորագրելու է նախագահի հրամանագրեր, «իրականացնելով իրական փոփոխությունների ծրագրերը», սակայն դեռ չի որոշել՝ որ ոլորտներում է ընթանալու այդ աշխատանքը եւ ինչ հերթականությամբ։ Թրամփը նաեւ կարող է պաշտոնը ստանձնելուց նմիջապես հետո չեղյալ հայտաարել Բարաք Օբամայի արձակած հրամանագրերը, որոնց հետ համաձայն չէ։