«Ելք» դաշինքը ստեղծվել է երկրում փոփոխություններ բերելու, հաղթանակ արձանագրելու համար: Այս մասին այսօր՝ հունվարի 21-ին, «Ելք» դաշինքի անդրանիկ համաժողովին ասաց «Լուսավոր Հայաստան» կուսակցության առաջնորդ, «Ելք» դաշինքի ներկայացուցիչ Էդմոն Մարուքյանը:
«Համահայկական ցանկացած խնդրի լուծման բանալին ուժեղ Հայաստան ունենալն է: Եթե մենք չունենանք ուժեղ Հայաստան, ապա մենք անընդհատ ունենալու ենք գործադիր իշխանություն, որն իր հնարավոր բոլոր սահմաններն անցել է եւ գրավել օրենսդիր եւ դատական իշխանության տարածքները: Դրա արդյունքւոմ Հայաստանում արդեն 20 տարի չենք կարողանում ապահովել իրավունքի գերակայությունը: Մենք միավորվել ենք, որպեսզի յուրաքանչյուր իրավիճակից ելք գտնենք, մեր ծրագիրը երկար քննարկումների փուլէ անցել, ներկայացրել ենք ծրագրային հիմնադրույթներ, որոնք բացվելու են, մանրամասն ներկայացնելու ենք նախընտրական ծրագրի տեսքով»,-ասաց նա:
Էդմոն Մարուքյանը նշեց, որ «Ելք» դաշինքը ապագայի դաշինք չէ, այլ այսօրվա:
«Հայաստանը չի կարող անմանս մնալ համաշխարհային փոփոխություններից, փոփոխությունները գալիս են Հայաստան «Ելք» դաշինքի միջոցով եւ այլ ելք չեմ տեսնում ուղղակի, չկա այլ ելք: Այսօր Հայաստանում կա քարոզչություն՝ անհնար է ընրությունների միջոցով Հայաստանում ինչ-որ բան փոխել, մեկ է՝ փողով գնելու ենք ձեր ձայները, մեկա մնալու ենք մենք, խնդիրները լուծելու ենք, լուծող էիք, 17 տարի իշխանության ղեկին եք. լուծեիք: Մեր նպատակներից է իշխանափոխությունը, մենք ասում ենք՝ հնարավոր է ընտրությունների միջոցով ինչ-որ բան փոխել, «Ելք» դաշինքը ապագայի դաշինք չէ, այլ այսօրվա, որովհետեւ մարդիկ այսօր են փոփոխություն ուզում»,-ասաց նա: