Ավստրալիան փորձում է այլընտրանք գտնել Տրանսխաղաղօվկիանոսյան գործընկերության մասին համաձայնագրին այն բանից հետո, երբ ԱՄՆ նախագահ Դոնալդ Թրամփը հայտնել է համաձայնագրից դուրս գալու մտադրության մասին: Այս մասին գրում է Weekend Australian ավստրալական պարբերականը, փոխանցում է «ՌԻԱ Նովոստի»-ն:
Թերթի տեղեկություններով՝ Ավստրալիայի առեւտրի նախարար Ստիվ Չոբոն Դավոսի համաշխարհային ֆորումի ժամանակ հանդիպել է համաձայնագրի անդամ 6 երկրների գործընկերների հետ եւ քննարկել առեւտրային հարաբերությունների հնարավոր տարբերակները: Ընդ որում, Չոբոն հայտնել է, որ պաշտպանում է Տրանսխաղաղօվկիանոսյան գործընկերությունը:
Պաշտոնյայի խոսքով՝ Ավստրալիան առաջ կմղի Տրանսխաղաղօվկիանոսյան գործընկերության մասին համաձայնագրի վավերացումը: