«Հայկական վերածնունդ» կուսակցության նախագահ Արթուր Բաղդասարյանը համոզված է, որ առաջիկա խորհրդարանական ընտրություններին հաջողության են հասնելու (ֆոտոռեպորտաժ): Այսօր՝ հունվարի 22-ին, լրագրողների հետ զրույցում Բաղդասարյանն ընդգծեց, որ իրենց շանսերը փայլուն է գնահատում:

«Մրցունակ գաղափարներ ենք ներկայացնելու, հանրությանը չենք տանելու թշնամության, ատելության, այլ տանելու ենք համախմբման, հանուն մեր երկիրն այս վիճակից դուրս բերելու գաղափարի ճանապարհով: Մեր շանսերը լավ են, մենք ունենք մարտունակ կառույց, հետաքրքիր եւ մրցունակ գաղափարներ, գրավիչ եւ ներկայանալի թիմ, փորձված եւ կրթված մարդիկ: Սա չափազանց կարեւոր է, կարծում եմ՝ մենք կարող ենք մեր ներկայությամբ, մեր գաղափարներով լավ արդյունքների հասնել»,- ասաց Արթուր Բաղդասարյանը:

Նա վստահեցրեց, որ ընդդիմադիր դաշտում են գործելու: