Հայաստանում 2016 թվականին գրանցվել է 12902 արտակարգ իրավիճակ։ Այս մասին հունվարի 24–ին՝ մամուլի ասուլիսի ժամանակ, ասել է ԱԻՆ Ճգնաժամային կառավարման ազգային կենտրոնի ղեկավար գնդապետ Հովհաննես Խանգելդյանը։
Նրա խոսքով՝ այդ դեպքերից 8020–ը տեխնոգեն են եղել։ «Հաշվետու տարում 354 մարդ արտակարգ իրավիճակների զոհ է դարձել, տուժել են 9332–ը»,– ասել է Խանգելդյանը։ 2016–ի ընթացքում էապես նվազել է հրդեհների եւ ավտովթարների քանակը՝ 19.9 տոկոսով։ «Հրդեհների ժամանակ հաջողվել է փրկել 228 մարդու։ 201 մարդ էլ փրկվել է ավտովթարների ժամանակ»,– հավելել է նա։