Թուրքիայի փոխվարչապետ Նուման Քուրթուլմուշը հայտարարել է, թե նախագահական համակարգի անցման դեպքում հեշտ կլինի լուծել ահաբեկչության խնդիրը։
Թուրքական Cumhuriyet–ի փոխանցմամբ՝ Թուրքիայի փոխվարչապետ Նուման Քուրթուլմուշը նշել է, թե Թուրքիան կարիք ունի նախագահական կառավարման։
Նա նշել է, թե նախագահական համակարգի անցման համար կազմակերպվելիք հանրաքվեն իրականացվելու է այն գաղափարախոսությամբ, որ նախագահի ինստիտուտի ուժեղացման ժամանակ կլինի կառավարման նոր ու կենտրոնացված մոդել՝ ահաբեկչության դեմ պայքարի արդյունավետությամբ։
Նշենք, Թուրքիայի խորհրդարանում հավանության արժանացած սահմանադրական փոփոխությունների փաթեթը առաջիկայում դրվելու է համաժողովրդական հանրաքվեի։ Սահմանադրական փոփոխությունների նախագծով երկիրը անցում է կատարում նախագահական կառավարման համակարգի։