Cbonds տեղեկատվական գործակալությունն օրերս հրապարակել է հարավկովկասյան հանրապետությունների` 2016թ.տեղական պարտատոմսերի շուկաներում իրականացված թողարկումների եւ հրապարակային տեղաբաշխումների ցանկը: ՀՀ բանկերից առաջատարն Ամերիաբանկն է, որը տեղաբաշխել է պարտատոմսերի 3 թողարկումներ 22 մլն ԱՄՆ դոլար ընդհանուր ծավալով (հարավկովկասյան շուկայում մասնաբաժինը`7.12%): Ընդ որում, ուշադրության է արժանի դասակարգման ոչ թե ծավալային, այլ քանակական բաղադրիչը, համաձայն որի, ՀՀ-ում պարտատոմսերի տեղաբաշխողների եւ թողարկումների քանակը 2016թ.-ին ավել է եղել հարեւան երկրների համանման ցուցանիշներից, որն իր հերթին արտացոլում էՀՀ պարտատոմսերի շուկայում առկա առողջ մրցունակությունը, զարգացվածությունը եւ ոչ բեւեռացված լինելը:
Ցանկն ամբողջությամբ ներկայացված է հետեւյալ հղմամբ:
Cbonds-ը Ռուսաստանի, ԱՊՀ երկրներիեւ այլ զարգացող երկրների ֆիքսված եկամտի շուկաներում մասնագիտացված անկախ առաջատար տեղեկատվական գործակալություն է: Իր գործունեության ավելի քան 10 տարիների ընթացքում Cbonds-ը տրամադրում է պարտատոմսերի բազայի, ինդեքսների, շուկայի նորությունների եւ վերլուծությունների վերաբերյալ տեղեկատվություն: