Փետրվարի 6-ին Եվրախորհրդարանում լսումներ կանցկացվեն Ադրբեջանի իրավիճակի մասին: Այն նվիրված է Ադրբեջանի նախագահ Իլհամ Ալիեւի առաջիկա բրյուսելյան այցին:
contact.az-ը հայտնում է, որ ԵԽ անդամները մտադիր են բարձրացնել Ադրբեջանում մարդու իրավունքների խախտման, քաղաքացիական ակտիվիստների եւ լրագրողների հետապնդման հարցերը, կքննարկվի նաեւ քաղաքացիական հասարակության գործունեությունն արգելափակող օրենսդրական սահմանափակման թեման: Այս հարցերը կդրվեն ԵԽ-ի ղեկավարության առաջ, որի հետ Ալիեւը հանդիպելու է: Քննարկումներին սկայպով մասնակցող զեկուցողներն են՝ «Մեյդան ԹՎ»-ի համացանցային ալիքի ղեկավար Էմին Միլին եւ լրագրող Խադիջա Իսմայիլովան: Զեկույցներով հանդես կգան նաեւ ԵԽ-ի 4 անդամներ՝ Կատի Պիրին (Հոլանդիա), Ալեքսանդր Լամբսդորֆը (Գերմանիա), Ուլրիկե Լունարչիկը (Ավստրիա) եւ Յարոմիր Ստերտինան (Չեխիա):