ՀԱԿ–ը Սահմանադրական դատարանում կբողոքարկի 2017–ի խորհրդարանական ընտրությունների անցկացման ամսաթիվը։ Այս մասին փետրվարի 6-ին ԱԺ–ում ասել է ՀԱԿ խմբակցության քարտուղար Լեւոն Զուրաբյանը։ Նրա խոսքով՝ ինքն ու խմբակցության քարտուղար Արամ Մանուկյանն անհապաղ պատգամավորներից ստորագրահավաք են սկսելու, որն անհրաժեշտ է Սահմանադրական դատարան հայց ներկայացնելու համար։ Նա ստորագրելու կոչ է արել բոլոր պատգամավորներին, որոնք անտարբեր չեն ընտրությունների իրավական նշանակության նկատմամբ։
ԱԺ փոխխոսնակ Հերմինե Նաղդալյանն իր հերթին նշեց, որ ընտրական իրավունքի մասնագետներն արդեն կարծիք հայտնել են այդ ամսաթվի հիմնավորված լինելու մասին։ Այդուհանդերձ, ՀՀԿ ղեկավարությունը, այդ թվում՝ նախագահ Սերժ Սարգսյանը, ընտրությունների կոնկրետ ամսաթիվը սկզբունքային չի համարում եւ բոլոր քաղաքական ուժերի կողմից համաձայնություն ստանալու դեպքում պատրաստ է տեղափոխել օրը։
Նշենք, որ որոշ ընդդիմադիր ուժեր պահանջում են փոխել ընտրությունների օրը՝ նշեպով, որ այն պետք է նշանակվի ապրիլի 20-ից հետո։ Այս առնչությամբ պարզաբանմամբ է հանդես եկել ՀՀ կառավարության աշխատակազմի ղեկավար-նախարար Դավիթ Հարությունյանը, նշելով, որ ԱԺ ընտրությունների ողջ գործընթացը պետք է կազմակերպվի ապրիլի 1-ից 11-ը:
