Բելառուսի նախագահ Ալեքսանդր Լուկաշենկոն մտահոգություն է հայտնել Ռուսաստանի ու ԵՏՄ մյուս պետությունների հետ ապրանքաշրջանառության ծավալների նվազումով։ Այս մասին նա հայտնել է Ռուսաստանի Կոստրոմայի շրջանի նահանգապետ Սերգեյ Սիտնիկովի հետ հանդիպման ժամանակ, հայտնում է ԲԵԼՏԱ-ն։
«Առաջ մեր (Բելառուսի ու Կцստրոմայի շրջանի) փոխադարձ առեւտրի ծավալները գերազանցում էին 100 մլն դոլարը։ Ոչ բոլոր խոշոր երկրների հետ մենք նման ապրանքաշրջանառություն ունենք։ Բայց վերջին երկու տարում այդ ծավալները զգալիորեն կրճատվել են, ինչը ինձ շատ է անհանգստացնում,- ասել է նա,- Հարց է առաջանում՝ ինչու ենք մենք ստեղծել միասնական տնտեսական տարածք ոչ միայն մեր Դաշնակից պետությունում այլ ԵՏՄ-ում»։ Լուկաշենկոն նկատել է, որ անցած երկու տարիներին ԵՏՄ շրջանակում ապրանքաշրջանառությունը զգալիորեն նվազել է։ «Ես խոսում եմ այդ մասին, բայց դա սխալ է ընկալվում Մոսկվայում ու Մինսկում էլ՝ ոմանց կողմից։ Բայց այդ մասին պե՛տք է խոսել, ու պետք է այդ նեղ տեղերը գտնել ու ինչ –որ ձեւով սոսնձել մեր հարաբերությունները։ Բացասականը վերացնելու փոխարեն, արգելվում է Ռուսաստան տավարի միս մատակարարել։ Ինչպե՞ս հասկանալ դա»,- ասել է նա։
