Հոնկոնգի մետրոյի ամենամարդաշատ կայարաններից մեկում բռնկված հրդեհի պատճառով առնվազն 15 մարդ է տուժել։ Հրդեհի պատճառ է դարձել Մոլոտովի կոկտեյլը, որը անհայտ անձը նետել է ուղեւորներով լի վագոնի վրա, հայտնում է South China Morning Post-ը։
Ականատեսների վկայություններով չարագործը Մոլոտովի կոկտեյլը նետել է վագոնի մեջ, բայց դրանից ինքն էլ է այրվել։
Չարագործը Չինաստանի քաղաքացի է եղել։ Նրան ոստիկանները այրվածքներով տեղափոխել են հիվանդանոց։ Կայանը ժամանակավորապես փակվել է ուղեւորների համար։ երկու տուժածները շատ ծանր վիճակում են, եւս վեցը ստացել են ծանր այրվածքներ, բայց նրանց կյանքին ոչինչ չի սպառնում։ Ոստիկանությունը պարզում է չարագործի արարքի դրդապատճառները։