Եվրամիության դիվանագիտության ղեկավար Ֆեդերիկա Մոգերին հայտարարել է, թե համոզված չէ, որ Ռուսաստանի նկատմամբ պատժամիջոցների հարցում Միայցալ Նահանգների քաղաքականությունը փոփոխոթյուն չի կրի, սակայն պայմանավորվել է ԱՄՆ–ի իր զրուցակիցների հետ ուժի մեջ թողնել պատժամիջոցները մինչեւ Մինսկյան համաձայնությունների կատարումը, հաղորդում է ՌԻԱ Նովոստի–ն։
Նախօրեին Եվրամիության միասնական արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինին մի շարք հանդիպումներ են ունեցել Սպիտակ տանը եւ պետդեպատամենտում այդ թվում՝ ԱՄՆ–ի պետքարտուղար Ռեքս Թիլերսոնի հետ։
«Այս հարցով իմ հանդիպումները նույնպես արդյունավետ էին։ Մասնավորապես, մեք համաձայնության եկանք, որ քանի դեռ Մինսկյան համաձայնությունները չեն իրագործվել, պատժամիջոցները ուժի մեջ կմնան։ Սակայն, ես չգիտեմ, արդյոք դա կշարունակի մնալ ընդհանուր դիրքորոշում։ Ինչպես դուք ներկա չեք եղել իմ հանդիպումներին, ես չեմ եղել Օվալաձեւ աշխատասենյակում, երբ նախագահ Թրամփը զրուցում էր նախագահ Պուտինի հետ», – Վաշինգտոնում հայտարարել է Ֆեդերիկա Մոգերինին։
Նա նաեւ համարում է, որ այս հարցը առացքային է ոչ միայն եվրոպացիների համար։ «Կարծում եմ, սա առանցքային հարց է նաեւ Կոնգրեսի համար», – նշել է ԵՄ դիվանագիտության ղեկավարը՝ հավելելով, թե «եվրոպացիները այս կարծում շարունակում են միասնական կարծիք ցուցաբերել»։ «Չգիտեմ, ցուցաբերելու են արդյոք ամերիկացիները միասնական դիրքորոշում այս հարցում, բայց մենք ցուցաբերելու ենք», –հայտարարել է Ֆեդերիկա Մոգերինին։
