Բրազիլական Ռիո դե Ժանեյրո նահանգում հանցավորության դեմ պայքարին 9 հազար զինվորական կմասնակցի: ՏԱՍՍ-ի փոխանցմամբ՝ այս մասին հայտարարել է պաշտպանության նախարար Ռաուլ Ժունգմանը:
«Օրենքը եւ կարգը պահպանելու նպատակով իրականացվող նախազգուշական գործողությանը 9 հազար զինվորական կմասնակցի»,- ասել է նախարարը:
Զինվորականները փողոցներում սկսել են պարեկել երեքշաբթի, իսկ փետրվարի 22-ին գործողությունը դադարեցնելու կամ շարունակելու մասին որոշում կկայացվի:
Փետրվարի 24-ին Ռիո դե Ժանեյրոյում մեկնարկելու է հայտնի դիմակահանդեսը, որին, տեղի իշխանությունների հաշվարկներով, ավելի քան մեկ միլիոն զբոսաշրջիկ կմասնակցի:
