Խորհրդարանական ընտրություններում Դաշնակցության համապետական ընտրացուցակը գլխավորելու է ՀՅԴ Բյուրոյի քաղաքական ներկայացուցիչ, Ազգային ժողովի ՀՅԴ խմբակցության ղեկավար Արմեն Ռուստամյանը: Փետրվարի 15-ին կայացած ասուլիսում այս մասին հայտարարեց ՀՅԴ խմբակցության քարտուղար Աղվան Վարդանյանը:
Նրա խոսքով՝ համապետական ցուցակի երկրորդ հորիզոնականում ինքն է: Ցուցակի առաջին տասնյակն այսպիսին է. Արմեն Ռուստամյան, Աղվան Վարդանյան, Դավիթ Լոքյան (ՀՀ տարածքային կառավարման եւ զարգացման նախարար), Արմենուհի Կյուրեղյան, Լեւոն Մկրտչյան (ՀՀ կրթության եւ գիտության նախարար), Արծվիկ Մինասյան (ՀՀ բնապահպանության նախարար), Արմեն Բաբայան, Ռուզաննա Առաքելյան, Սպարտակ Սեյրանյան, Միքայել Մանուկյան: