«Ծառուկյան» դաշինքից Շիրակի մարզի ընտրական տարածքում առաջադրված Վարդեւան Գրիգորյանն այսօր՝ փետրվարի 16–ին, լրագրողների հետ զրույցում հայտարարել է, որ ոչ մեկ չի կարող գցել «Ծառուկյան» դաշինքի հեղինակությունը՝ պատասխանելով հարցին, թե արդյոք նախկին ՀՀԿ–ական, Գյումրիի նախկին քաղաքապետ Վարդան Ղուկասյանը չի գցում իրենց դաշինքի վարկանիշը։
«Վարկանիշի համար պետք է հարցնել ժողովրդին։ Իմ տեսակետն այն է, որ 25 տարին լրացած ՀՀ քաղաքացին իրավունք ունի մասնակցել Աժ ընտրություններին։ Իրավունք է ստացել մասնակցել նաեւ Վարդան Ղուկասյանը։ «Ծառուկյան» դաշինքի վարկանիշը որեւէ մեկը չի կարող գցել»,–ասել է Վարդեւան Գրիգորյանը։
Նա ասել է, որ Շիրակի մարզում առաջադրված բոլոր թեկնածուներին մրցակից է համարում։
