ԵՄ-ի հիմնական խնդիրն այն է, որ եվրոպական երկրների քաղաքացիների շրջանում նվազում է միության կառույցների հանդեպ վստահությունը։ Այս մասին հայտնել է Գերմանիայի Ֆինանսների նախարար Վոլֆգանգ Շոյբլեն անվտանգության հարցերով մյունխենյան համաժողովում, փոխանցում է ՏԱՍՍ-ը։
«Մեր ամենամեծ խնդիրն այն է, որ մարդկանց վստահությունը եվրոպական կառույցների հանդեպ օրեցօր նվազում է»,- ասել է նա։
Լեհաստանի արտգործնախարար Վիտոլդ Վաշչիկովսկին նույնպես համաժողովում արտահայտվել է Եվրոպայի խնդիրների մասին։ Նա համարում է, որ հիմա վտանգ կա, որ եվրոպական մյուս երկրներն էլ կարող են ընտրել Մեծ Բրիտանիայի ուղին ու դուրս գալ ԵՄ-ից։
«Կարծում եմ՝ Բրեքսիթը քմահաճություն չէր»,- ասել է նախարարը, ու հավելել, որ այդ որոշումը բրիտանացիները կայացրել են ԵՄ-ում կուտակցված խնդիրների պատճառով։