Երեւանը ակտիվ աջակցում է ԵՏՄ-ի ու Իրանի միջեւ ԱԱԳ ստեղծելու հնարավորությունը։ Այս մասին «ՌԻԱ Նովոստի» գործակալությանը տված հարցազրույցում ասել է Հայաստանի արտգործնախարար Էդվարդ Նալբանդյանը։
«Այս պահին քննարկվում է Իրանի ու ԵՏՄ-ի միջեւ ազատ առեւտրի գոտի ստեղծելու հնարավորությունը, ինչը մենք, իհարկե, ակտիվ աջակցում ենք»,-ասել է Նալբանդյանը։ Նա նաեւ նշել է իրանական բիզնեսը հայկական շուկա բերելու լայն հեռանկարները։ Նախարարի խոսքով, Թեհրանն ու Երեւանը շարունակում են աշխատել բիզնես միջավայրի, միմյանց համար ներդրումային հնարավորությունների բարելավման ուղղությամբ։ «Այս գործընթացում կարեւոր հանգրվան դարձավ մեր երկրների միջեւ մուտքի արտոնագրերի պահանջի վերացումը, ինչը նույնպես կնպաստի երկկողմ առեւտրատնտեսական կապերի խորացմանը» ,- հավելել է նա։
