Քյոլնում սկսվել է դատավարություն այն 16-ամյա սիրիացի փախստականի գործով, որին մեղադրում են հանուն ԻՊ-ի պայթյուն ծրագրելու մեջ, հայտնում է AFP–ն։
Պատանուն կալանավորել են անցած տարվա սեպտեմբերին Քյոլնի փախստականների հանրակացարանում։ Իշխանությունները նրան «լուրջ սպառնալիք» են անվանել։ Ոստիկանությունը հայտնաբերել է ԻՊ-ի ներկայացուցիչների հետ պատանու նամակագրությունը , որտեղ նա ահաբեկչություն իրականացնելու ցանկություն էր հայտնել։ Այդ կապակցությամն նրան ռումբ պատրաստելու ինստրուկցիաներ էին տվել։ Ոստիկանությունը հայտնաբերել է դետալներ, որոնք նա նախատեսում էր օգտագործել ինքնաշեն ռումբ պատրաստելու համար։
Մեղավոր ճանաչվելու դեպքում, պատանուն սպառնում է 5 տարի ազատազրկում, որպես անչափահաս։