ՄԱԿ-ում Ռուսաստանի մշտական ներկայացուցիչ Վիտալի Չուրկինը մահացել է սրտի նոպայից, հայտնում է The New York Post-ը ՝ վկայակոչելով իր աղբյուրները։
Ըստ պարբերականի՝ Չուրկինը եղել է ՌԴ դեսպանատան շենքում, երբ նրա ինքնազգացողությունը վատացել է սրտի խնդիրների հետ կապված։ Արդեն հիվանդանոցի ճանապարհին նա անգիտակից վիճակում է եղել։
Չուրկինը ՄԱԿ-ում Ռուսաստանի մշտական ներկայացուցիչն է եղել 2006-ից սկսած, մինչ այդ նա եղել է Ռուսաստանի դեսպանը Կանադայում ու Բելգիայում։
Փետրվարի 21-ին նա պետք է նշեր իր 65-ամյակը։