Ֆրանսիայում ահաբեկչություն ծրագրելու կասկածանքով երեք մարդ է կալանավորվել։ Նրանցից մեկին ձերբակալել են Կլերմոն- Ֆերանեում, մյուսին՝ Մարսելում, իսկ երրորդին՝ Փարիզի արվարձանում, հայտնում է RFI–ն։
Ըստ պարբերականի աղբյուրների ՝ կասկածյալները արդեն բավականին մանրակրկիտ ծրագրել էին ահաբեկչություն։ Կլերմոն- Ֆերանեում կասկածյալներից մեկի տանը ոստիկանությունը ականազերծման աշխատանքներ են իրականացրել։
Այս երեք ձերբակալություններից բացի նաեւ մի շարք խուզարկություններ են իրականացվել։ Ձերբակալվածների անձի մասին ոչինչ չեն հայտնում, հայտնի է միայն, որ նրանցից մեկը 37 տարեկան է։
Ֆրանսիայում գործում է արտակարգ դրության ռեժիմ, որը սահմանվել էր դեռ 2015-ի նոյեմբերին՝ Փարիզում տեղի ունեցած մի շարք ահաբեկչություններից հետո։ Միայն վերջին մեկ ամսում ոստիկանները ահաբեկչության երկու փորձ են կանխել։