ՄԱԿ-ի գլխավոր քարտուղար Անտոնիո Գուտերիշը ղարաբաղյան հակամարտության կողմերին կոչ է արել շարունակել բանակցությունները:
«Սառեցված հակամարտություն եզրույթը սխալ է: Քանի դեռ խաղաղության համաձայնագիր չի ստորագրվել եւ իրականացվել, բռնության վերսկսման վտանգ կա: Մենք դա տեսանք 2016 թվականի ապրիլին, Լեռնային Ղարաբաղում: ՄԱԿ-ն ամբողջությամբ սատարում է ԵԱՀԿ Մինսկի խմբի ջանքերը եւ հակամարտության կողմերին կոչ անում թուլացնել լարվածությունն ու իրականացնել հակամարտության կանխման համաձայնեցված միջոցառումները»,- Անվտանգության խորհրդի նիստում ունեցած ելույթում ասել է ՄԱԿ-ի գլխավոր քարտուղարը:
Հիշեցնենք, որ 2016 թվականի ապրիլին Ադրբեջանն ագրեսիա հրահրեց Լեռնային Ղարաբաղի դեմ: Բաքուն համառորեն հրաժարվում է կատարել միջադեպերի հետաքննության մեխանիզմների ստեղծման եւ ԵԱՀԿ գործող նախագահի անձնական ներկայացուցչի թիմի ընդլայնման շուրջ Վիեննայում եւ Սանկտ Պետերբուրգում ձեռք բերված համաձայնությունները: