Italdesign-ը ներկայացրել է էքսկլյուզիվ մեքենաների փոքր սերիական արտադրությամբ զբաղվող իր Italdesign Automobili Speciali նոր ապրանքանիշի առաջին մոդելը։ Դա միջին շարժիչով երկդռնանի սուպերմեքենա է , V10 անվանումով, որը սարքավորված է 610 ձիաուժ հզորությամբ շարժիչով։ Ընդամենը ընկերությունը արտադրելու է հինգ նմուշ, հայտնում է Motor–ը։
Italdesign -ում ասում են, որ ավտոմեքենան կառուցված է կարբոնից ու ալյումինումից պատրաստված մոդուլային շասիի վրա։ Այն սարքավորված է 5․2 լիտրանոց տասը ցիլինդրանի շարժիչով ու լիահաղորդ quattro–ով։
Շարժիչը հարյուր կմ/ժ արագություն է բացում 3․2 վայրկյանում, իսկ առավելագույն արագությունը ժամում 330 կմ է։ Այդ բնութագրերով կուպեն նման է R8–ին։
V10 -ի բոլոր պանելները կարբոնից են պատրաստված։ Արտաքուստ սուպերքարը առանձնանում է բազմաթիվ աէրոդինամիկ տարրերով, այդ թվում ֆիքսված հակաթեւով՝ հետեւից, կողքի «թեւերով» ու օդահավաքիչներով՝ հետեւի անիվների առջեւ, նաեւ հսկայական դիֆուզորով։
Հինգ նմուշներն էլ թողարկվելու են Թուրինում։ Արտադրությունը կսկսվի Ժնեւյան ավտոսալոնում մարտյան պրեմիերայից հետո։ Italdesign V10 -ի արժեքը 1․5 մլն եվրո է։
