Clean Alliance ծրագրով, ԵՄ աջակցությամբ, Հայաստանի հարավային 9 համայնքներում սկսելու են տեսակավորել կենցաղային պլաստիկը։ Նախագծի տնօրեն Արմինե Թուխիկյանը NEWS.am -ի թղթակցին հայտնել է, որ փորձնական փուլը կանցնի 2 համայնքներում՝ Գորիսում (քաղաք Գորիս ու 12 հարակից գյուղեր) ու Գորայքում (Գորայք ու եւս 3 գյուղ)։ Իսկ աշխատանքների ընդհանուր ծավալը 36 ամսվա համար է հաշվարկված։
Ըստ ծրագրի՝ դեպի իրանական սահման պետական հարավային մասում մայրուղու (Եղեգնաձորից Մեղրի ու Ագարակ) ուզում են տեղադրել բակային կոնտեյներներ՝ աղբը տեսակավորված հավաքելու համար։ Դրանք երկու մասից են բաղկացած լինելու՝ պլաստիկի ու մնացած աղբի համար։
«Մեր երկրում կենցաղային թափոնների 35-40 տոկոսը պլաստիկ է։ Իսկ գյուղերում ՝ ավելի շատ։ Չէ՞ որ մրգերից ու բանջարեղենից մնացած թափոններով այնտեղ անասուններին են կերակրում, իսկ փայտն ու ստվարաթուղթը՝ այրում։ Իսկ պլաստիկկը, եթե նույնիսկ այրում են, ապա դա շատ ավելի վատ է, քանի որ այրվելիս այն ուժեղ քաղցկեղածին նյութեր է արտազատում։ Վիճակը լավ չէ նաեւ աղբանոցներում՝ այնտեղ պլաստիկը միեւնույն է այրվում է, քանի որ աղբից բիոգազ է արտադրվում», նկատեց Թուխիկյանը ։
Որքան քիչ է աղբի մեջ պլաստիկը, այդքան մաքուր կլինի օդը։ Ծրագրի նպատակներից մեկն է քաղաքացիներին բացատրել դա , իսկ դրա համար ՝ բազմիցս նրանց կոչ անել պլաստիկը առանձնացնել ընդհանուր աղբից ու այդպես գցել աղբամանը։ Այդպես այն հավաքելն ավելի հեշտ է, իսկ հավաքելուց հետո էլ՝ ստիպված չեն լինի լվանալ։
Կոնտեյներներից բացի, կկառուցեն բետոնային թումբեր ու դրանք կառանձնացնեն լարացանցերով՝ մաքրության համար։ Հետո թափոններրի առանձին հավաքման համար կգնեն նաեւ անհրաժեշտ աղբատար մեքենաներ։
«Այս տարի մենք ուզում ենք հասկանալ կոնտեյներների համար տեղերը ու աղբատար մեքենաների երթուղիները, որպեսզի օպտիմալացնենք դրանց գնումները»,- նկատեց Թուխիկյանը։
Մարզում պլաստիկի խոշոր գնող կդառնա Կափանի քաղաքապետարանը, որը վերջերս, դարձյալ ԵՄ ծրագրով, ստացել է դրամաշնորհային միջոցներ ՝ թափոնային պլաստիկից մայթեզրերի սալիկների արտադրամաս բացելու համար։
«Կան նաեւ ուրիշ արտադրություններ, որոնք հետաքրքրվում են պլաստիկով։ Օրինակ պլաստմասայից խողովակների արտադրամասերը ։ Հիմա մենք ուզում ենք հասկանալ, թե ինչ ընկերություններ են դրանք ու ինչ պայմաններով են պատրաստ մեզնից գնել երկրորդական հումքը»,- հավելեց նա։
Clean Alliance Ծրագիրը իրականացվում է ԵՄ աջակցությամբ, Urban Foundation հիմնադրամի ուժերով։
