Ռուսական գազի վերաբերյալ որոշումներն ընդունվել են եւ կհամաձայնեցվեն քաղաքական մակարդակով: Այս մասին Բելառուսի Էներգետիկայի նախարարության կոլեգիայի ամփոփիչ նիստից առաջ լրագրողներին ասել է էներգետիկայի նախարար Վլադիմիր Պոտուպչիկը, փոխանցում է ԲԵԼՏԱ-ն:
Նախարարի խոսքով՝ սկզբունքորեն կարեւոր է ԵՏՄ-ի հետ ստորագրած պայմանագրի բոլոր նորմերի կատարումը: Առաջին հերթին խոսքը վերաբերում է միության բոլոր անդամների տնտեսվարող սուբյեկտների համար հավասար պայմանների ստեղծմանը: «Որպեսզի 2019 թվականի հուլիսի 1-ին էլեկտրաէներգիայի ընդհանուր շուկա ստեղծվի, իսկ 2025 թվականի հունվարի 1-ին՝ գազի ընդհանուր շուկա, մենք պետք է առավելագույնս մոտեցնենք գազի գները, ինչով եւ այսօր զբաղվում ենք: Այն, ինչ մինչ օրս արվել է, հասարակությանը տեղեկացվել է Բելառուսի վարչապետի եւ Ռուսաստանի փոխվարչապետի կողմից: Հետագա բոլոր քայլերը կախված են քաղաքական որոշումներից, որոնք կընդունվեն բարձր մակարդակով»,- ասել է նա: