Այսօր սկսում ենք մեր պայքարի արշավը եւ այս համաժողովով սկիզբ ենք դնելու մի գործընթացի, որը Հայաստանը պետք է դուրս բերի այս վիճակից: Այս մասին, այսօր՝ փետրվարի 25-ին, Երեւանի Կարեն Դեմիրճյանի անվամ մարզահամերգային համալիրում «Օհանյան-Րաֆֆի-Օսկանյան» դաշինքի համաժողովի բացման ժամանակ նշեց «Ժառանգություն» կուսակցության փոխնախագահ, «Օհանյան-Րաֆֆի-Օսկանյան» դաշինքի ցուցակի 2-րդ հորիզոնականը զբաղեցնող Արմեն Մարտիրոսյանը (ֆոտոռեպորտաժ):
Նա ընթերցեց իրենց դաշինքի ստեղծման համաձայնագիրը, որը ստորագրել են պաշտպանության նախկին նախարար Սեյրան Օհանյանը, «Ժառանգության» առաջնորդ Րաֆֆի Հովհաննիսյանը եւ «Համախմբում» կուսակցության ղեկավար Վարդան Օսկանյանը:
Նրա խոսքով, համաձայնագրին են միացել «Արդարություն» կուսակցության, Ժողովրդական կուսակցության (ղեկավար Տիգրան Կարապետյան-խմբ), «Հայկանդուխտ» կուսակցությունը, Ազգային արժեքների պաշտպանության կուսակցությունը, «Անկախ դատավոր» ՀԿ-ն, «Ազատամարտիկների դաշինք» ՀԿ-ն, «Հատուկ գնդի վետերաններ» ՀԿ-ն, «Միացյալ հայեր» ՀԿ-ն, «Կարմիր բերետներ» ՀԿ-ն, «Գնանք միասին» ՀԿ-ն, Ազատամարտիկների եւ զորացրված զինծառայողների իրավունքների պաշտպանության ՀԿ-ն:
