Մյանմայի սահմանների պահպանության Միավորված ուժերի ջոկատը պարսատիկներից կավե ձուլակտորներով, քարերով եւ պողպատե հեղույսներով ու  մանեկներով գնդակոծել է Թաիլանդի ՆԳՆ շինարարների խմբին, որոնք ամրացնում էին սահմանային գետի ափերը: Այս մասին հայտնում է Թաիլանդի ազգային 3-րդ հեռուստաալիքը:

Հեռուստաալիքի տեղեկություններով՝ գետի հակառակ ափին գտնվող Մյանմայի տարածքային շրջանի բնակիչները նախկինում բազմիցս անարդյունք ցուցադրել են իրենց բացասական վերաբերմունքը ափին հողաթմբերի կառուցման դեմ: Սակայն պարասատիկներից գնդակոծությունը շինարարներին հանկարծակիի է բերել, որից հետո աշխատանքները դադարեցվել են մինչեւ սահմանապահ վարչակազմերի իշխանությունների մակարդակով համաձայնության ձեռքբերումը: