Հայաստանի նախագահ Սերժ Սարգյանը երկօրյա պաշտոնական այցով Մոսկվա կժամանի մարտի 14-ին, որի ընթացքում կհանդիպի Ռուսաստանի նախագահ Վլադիմիր Պուտինի հետ: Այս մասին «Իզվեստիա»-ին հայտնել է Հայաստանի նախագահի աշխատակազմում աղբյուրը: Լուրը հաստատել է նաեւ Ռուսաստանի նախագահի մամուլի քարտուղար Դմիտրի Պեսկովը: Հանդիպման օրակարգում են երկկողմանի համագործակցության հրատապ հարցերը, նաեւ իրադրությունը Լեռնային Ղարաբաղում: Երեւանի կառավարությանը մոտ աղբյուրները հայտնել են, որ հանդիպան արդյունքներով մի շարք ներդրումային համատեղ համաձայնագրեր կստորագրվեն:
Վլադիմիր Պուտինի եւ Սերժ Սարգսյանի հանդիպումը տեղի կունենա Հայաստանի եւ Ռուսաստանի միջեւ դիվանագիտական հարաբերությունների հաստատման 25-ամյակի միջոցառումների շրջանակում:
Հայաստանի նախագահի այցը կդառնա Մոսկվա հայ բարձրաստիճան քաղաքական գործիչների այցերի շարքի գագաթնակետը: Անցյալ տարվա նոյեմբերի վերջին Ռուսաստանի մայրաքաղաք էր այցելել պաշտպանության նախարար Վիգեն Սարգսյանը: Հունվարին պաշտոնական այցով Մոսկվայում էր վարչապետ Կարեն Կարապետյանը: Իսկ փետրվարի 22-ին տեղի է ունեցել երկու երկրների ԱԳ նախարարների հանդիպումը: Տրամաբանական արդյունքը կլինի մի շարք ռազմաքաղաքական եւ տնտեսական համաձայնագրերի ստորագրումը, «Իզվեսիա»-ին ասել են հայկական քաղաքական շրջանակներում աղբյուրները:
