Կիեւում կայացել է «Հայկական գիրը Ուկրաինայում․400-ամյա պատմություն» հազվագյուտ ցուցահանդեսի հանդիսավոր բացումը։ Առաջին անգամ Կիեւի լայն հասարակայնությանը ներկայացվել են հազվագյուտ փաստաթղթեր, որոնք ցույց են տալիս հայ ու ուկրաինացի ժողովուրդների բարեկամական կապերը։
Մեծ հետաքրքրություն են առաջացրել Ավետարանի միջնադարյան ձեռագրերը՝ 14,16 ու 17-րդ դարերի։ AnalitikaUA.net-ի փոխանցմամբ, հյուրերը հաստատել են, որ նման ծավալուն ցուցահանդեսը վառ ապացույց է այն զգալի ավանդի, որը հայերն ունեցել են Ուկրաինայի մշակույթում ու միաժամանակ՝ վկայություն այն հարգանքի, որը ուկրաինական ժողովուրդը տածում է ուկրաինահայերի բազմադարյա գրավոր ու տպագիր ժառանգության հանդեպ, որը պահվում ու պաշտպանվում է պետության կողմից։
Ներկայացվել են նաեւ հրատարակություններ 19- 20-րդ դարի սկզբի Հայաստանի մասին, գրքեր հայկական երաժշտության պատմության մասին։