Հայաստանի եւ Հունաստանի միջեւ ոլորտային համագործակցության ընդլայնման հնարավոր բնագավառ է զբոսաշրջությունը, որն արդեն իրողություն է: Այս մասին Independent Balkan News Agency լրատվական գործակալությանը տված հարցազրույցում նշել է Հայաստանի ԱԳ նախարարի տեղակալ Կարեն Նազարյանը:
Նրա խոսքով, անցած տարվա ընթացքում Հունաստան այցելած հայերի թիվն ավելացել է ավելի քան երեք անգամ. «Մենք, նույնպես, սպասում ենք հույներին Հայաստանում: Ուրախ ենք ինչպես մեր երկրների միջեւ ուղիղ օդային կանոնավոր կապի վերականգնման, այնպես էլ՝ չարտերային թռիչքների կապակցությամբ: Միջմշակութային առնչությունները՝ կրթության եւ գիտության բնագավառներում փոխանակման ծրագրերի հետ միասին, կարող են ամուր հենք կազմել հետագա համագործակցության համար: Եվ իհարկե, առեւտրի եւ ներդրումների հարցերը կլինեն մեր հատուկ ուշադրության կիզակետում: Մեզ հանձնարարված է սկսել այս տարվա վերջին անցկացվելիք գործարար համաժողովի նախապատրաստական աշխատանքները, եւ սա երկու կողմից էլ կպահանջի ուշադիր եւ նպատակային քայլեր»,-ասաց նա:
